دهشتگردي جي لعنت جي خاتمي تائين ان خلاف  جنگ جاري رهندي: وزيراعظم شهبازشريف

وزيراعظم شهبازشريف چيو آهي ته دهشتگردي جي لعنت جي خاتمي تائين ان خلاف  جنگ جاري رهندي. وزيراعظم جي صدارت هيٺ ملڪ  امن امان جي صورتحال بابت اجلاس ٿيو، جنهن ۾ گهرو وزير محسن نقوي ۽ سڪيورٽي ادارن جي سربراهن شرڪت ڪئي. اجلاس ۾ ملڪ جي موجوده سڪيورٽي صورتحال خاص طور چيني شهرين جي سڪيورٽي بابت قدمن تي غور ڪيو ويو. وزيراعظم گهرو وزير کي ملڪ مان دهشتگردي جي خاتمي ۽ دهشتگردي جي خاتمي بابت صوبائي ادارن کي وڌيڪ بهتر بڻائڻ لاءِ  صوبن سان سهڪار وڌائڻ جي هدايت ڪئي. شهبازشريف ملڪي سڪيورٽي خاص طور مختلف منصوبن تي ڪم ڪندڙ چيني شهرين جي سڪيورٽي بابت اجلاسن جي هر مهيني جائزو وٺڻ جو فيصلو ڪيو. وزيراعظم سمورن سڪيورٽي ادارن کي چيني شهرين جي سڪيورٽي فول پروف بڻائڻ لاءِ قدمن جي هدايت ڪئي…….