راڻيپور جي پيراڻي حويلي ۾ قتل ڪيل نينگري فاطمه ڦرڙو ڪيس جي پنجن شاهدن پنهنجا بيان ڦيرائي ڇڏيا آهن

راڻيپور جي پيراڻي حويلي ۾ قتل ڪيل نينگري فاطمه ڦرڙو ڪيس جي پنجن شاهدن پنهنجا بيان ڦيرائي ڇڏيا آهن. پير اسد شاهه ۽ سندس گهرواري حنا شاهه جي ضمانت تي اعتراض ختم ڪيا ويا. اُجالا، تانيا، نسيم، صغير ۽ حسن ڦرڙو جا نوان قسم ناما جمع ڪرايا ويا آهن. جمع ڪرايل قسم نامي ۾ چيو ويو ته عدالت جوابدارن جي ضمانت منظور ڪندي ته اعتراض نه هوندو. قسم نامي ۾ چيو ويو ته مٿن نه ڪو دٻاءُ آهي ۽ نه ئي وري ڪا زبردستي ڪئي وئي آهي. ڪيس جي ٻڌڻيءَ دوران اسد شاهه ۽ حنا شاهه ضمانت جي درخواست داخل ڪرائي. جوابدارن کي رليف ڏيارڻ لاءِ شاهدن جا بيان بدلائي نوان قسم نامه جمع ڪرايا ويا. نينگريءَ جا والدين ۽ جاچ آفيسر ڊي ايس پي قدوس ڪلوڙ پيش نه ٿيا. ٻئي پاسي نينگري فاطمه ڦرڙو جي وارثن جو چوڻ آهي ته پير پيرل شاهه دٻاءَ ذريعي شاهدن جا بيان تبديل ڪرايا آهن. هن چيو ته سندس  زال تي به ڪيس تان هٿ کڻڻ لاءِ دٻاءُ وڌو پيو وڃي، ڪجهه به ٿئي پر اسان ڪنهن به صورت ۾ هٿ نه کڻندا.