رستم: استاد صدام حسين مهر قتل ڪيس ۾ جوابدار اڳوڻو ايس ايڇ او گرفتار

رستم پوليس پرائمري استاد صدام مهر جي قتل ڪيس ۾ گهربل جوابدار اڳوڻي ايس ايڇ او قربان ککراڻي کي گرفتار ڪري ورتو آهي. پوليس جو چوڻ آهي ته مرزا شاخ ڀرسان  استاد صدام مھر جي قتل ڪيس جي شاھد وقار مھر کي اغوا ڪرڻ جي ڪوشش دوران قربان ککراڻي کي گرفتار ڪيو ويو. پوليس موجب، گرفتار جوابدار اڳوڻي ايس ايڇ او قربان ککراڻي کي سڀاڻي شڪارپور جي عدالت ۾ پيش ڪيو ويندو ۽ سندس فرار ساٿين جي گرفتاري لاءِ ڇاپا هنيا پيا وڃن. 23 سيپٽمبر تي پرائمري استاد صدام مھر کي رستم شھر ۾ قتل ڪيو ويو ھو. حد جي ٿاڻي تي مقرر ان وقت جي ايس ايڇ او قربان ککراڻي تي 28 لک رپيا وٺي قتل ڪرائڻ جو الزام ھنيو ويو ھو. جاچ آفيسرن ڊي ايس پي سي ٽي ڊي قدوس ڪلوڙ ۽ ايس ايس پي سميع الله سومري پاران جاچ ڪري الزامن کي درست ثابت ڪيو ھو.