روس يوڪرين کي ايٽمي هٿيار فراهم ڪرڻ بابت مغربي ملڪن کي خبردار ڪيو آهي

روس جي صدر والاديمير پيوٽن ڌمڪي ڏيندي چيو آهي ته جيڪڏهن ته يوڪرين ايمٽي هٿيار حاصل ڪرڻ جي ڪوشش ڪئي ته مناسب ڪارروائي ڪئي ويندي، اولهه ملڪن جي يوڪرين کي نيوڪليئر هٿيار منتقل ڪرڻ جي ڪوشش لـِڪي نه سگھندي. ماسڪو ۾ برڪس تنظيم جي ميمبر ملڪن جي صحافين سان ڳالهائيندي روسي صدر چيو ته جديد دنيا ۾ هاڻي نيوڪليئر هٿيار ٺاهڻ ڏکيو ناهي رهيو. هن چيو وڌيڪ چيو ته کيس خبر ناهي ته يوڪرين هن وقت ائين ڪرڻ جي قابل آهي يا نه، پر اها پڪ آهي ته هن وقت يوڪرين لاءِ اهو ڪم آسان نه هوندو. ولاديمير پيوٽن وڌيڪ چيو ته هن وقت ايٽمي هٿيارن جي ترقي ۾ گهڻيون مشڪلاتون نه آهن، سڀ ڪجهه واضح آهي ته ان عمل کي ڪيئن اڳتي وڌايو وڃي.