- Advertisement -
رومانوي شاعر احمد فراز جي مداحن کان وڇوڙي کي 16 ورهيه وهامي ويا.
اردو جي ناليواري شاعر سيد احمد شاهه 14 جنوري 1931ع تي ڪوهاٽ ۾ پيدا ٿيو.
احمد فراز کي شاعر ورثي ۾ ملي، هن ٽن ٻولين اردو، فارسي ۽ انگريزي ۾ ايم اي ڪئي.
1960ع واري ڏهاڪي ۾ احمد فراز تعليم پرائي رهيو هو ته سندس شاعري جو پهريون مجموعو تنها تنها ڇپيو هو.
احمد فراز پنهنجي لفظن سان شاعري ۾ نوان لاڙا متعارف ڪرايا.
ڪيترن ئي ناليوارن فنڪارن احمد فراز جي شاعري کي چار چنڊ لڳايا، مهدي حسن ۽ ميڊم نور جهان به احمد فراز جا غزل ڳائي ڀرپور شهرت ماڻي.
ڇهن ڏهاڪن تي ٻڌل ادبي زندگي تي احمد فراز کي ڪيترن ئي اعزازن سان نوازيو ويو، جن ۾ هلال امتياز، ستاره امتياز، هلال پاڪستان ۽ نگار ايوارڊ شامل آهن.
احمد فراز جي شعري مجموعن ۾ تنها تنها، جانان جانان، خواب گل پريشان هي، درد آشوب، نابينا شهر ۾ آئينه، بي آواز گلي ڪوچون ۾، شب خون، ميري خواب ريزه ريزه ۽ اي عشق جفا پيشه، شامل آهن.
رومانوي شاعر احمد فراز 25 آگسٽ 2008ع تي هن فاني جهان مان لاڏاڻو ڪري ويو، سندس شاعر اڄ به تازي محسوس ٿيندي آهي- Advertisement -
