سرهاڙي: پريشر پمپ ڦاٽڻ سبب مال گاڏي بيهجي وئي، ٽريڪ معطل

سرهاڙي ريلوي اسٽيشن تي ڪراچي کان پنجاب ويندڙ مال گاڏي کي ڪپلين ۽ پريشر پمپ ڦاٽڻ ڪري ڪيترن ئي ڪلاڪن کان بيهاريو ويو آهي. ريلوي اسٽيشن تي مال گاڏي جو مرمتي ڪم جاري آهي. ڪيترن ئي ڪلاڪن کان مال گاڏي ريلوي اسٽيشن تي بيهڻ سبب ڪراچي کان پنجاب ويندڙ ٽرينن کي مختلف اسٽيشنن تي بيهاريو ويو آهي. ريلوي انتظاميا جو چوڻ آهي ته ڪپلين ۽ پريشر پمپ ٽٽڻ سبب مال گاڏي کي اسٽيشن تي بيهاريو ويو آهي. ريلوي انتظاميا موجب ڪجهه ڪلاڪن اندر مال گاڏي جو مرمتي ڪم مڪمل ڪري مال گاڏي کي پنهنجي منزل طرف روانو ڪيو ويندو.