سمورا ادارا پنهنجي حدن ۾ رهي ڪم ڪن ته ملڪ بهتري طرف ويندو: فيصل ڪريم ڪنڊي

خيبرپختونخوا جي گورنر فيصل ڪريم ڪنڊي چيو آهي ته سمورا ادارا پنهنجي حدن ۾ رهي ڪم ڪن ته ملڪ بهتري طرف ويندو، پاڪستان کي نظريه ضرورت تحت نٿو هلائي سگهجي، 9 مئي وارا حڪومتن ۾ ايندا، وڏا وزير ٿيندا ته هي سواليا نشان آهي، عدالتون 9 مئي وارن کي سزا ڏين. لاهور ۾ پنجاب جي گورنر سردار سليم حيدر خان سان گڏ پريس ڪانفرنس ڪندي فيصل ڪريم ڪنڊي چيو ته آئين ۾ ارڙهين ۽ 19 هين ترميم جو ڪريڊٽ پيپلزپارٽي ۽ اتحادي پارٽين ڏانهن وڃي ٿو. سندس چوڻ هو ته هو 5 سال قومي اسيمبليءَ جو ڊپٽي اسپيڪر رهيو، ڪڏهن کيس ڪنهن لکيل تقرير نه اماڻي، ڪنهن ڪڏهن فون يا ميسيج نه ڪيو ته اوهان کي پارليامينٽ کي ڪيئن هلائڻو آهي، خبر ناهي تقريرون ڪنهن وٽ اينديون آهن ۽ ڪٿي لکبيون آهن. خيبرپختونخوا جي گورنر فيصل ڪريم ڪنڊي چيو ته تحريڪ انصاف باني جي سوشل ميڊيا اڪائونٽ تان تڪراري ٽوئٽ ٿيو آهي،  هو چون ٿا هنن ٽوئٽ ناهي ڪيو، ڪالهه تائين ٽوئٽ موجود هو، هي ايترا نالائق آهن جو کين خبر ئي ناهي ته ٽوئيٽر اڪائونٽ ڪنهن کي استعمال ڪرڻ لاءِ ڏنو ويو آهي. هن چيو ته سمورا ادارا پنهنجي حدن ۾ رهي ڪم ڪن ته ملڪ بهتري طرف ويندو، سنڌ جهڙيون اسپتالون ٻين صوبن ۾ به ٺهڻ گهرجن. خيبرپختونخوا جي گورنر فيصل ڪريم ڪنڊي چيو ته پاڪستان کي نظريه ضرورت تحت نٿو هلائي سگهجي، 9 مئي وارا حڪومتن ۾ ايندا، وڏا وزير ٿيندا ته هي سواليا نشان آهي، عدالتون 9 مئي وارن کي سزا ڏين……..