- Advertisement -
سنڌ جي مختلف شهرن ۾ روڊ حادثن جي نتيجي ۾ 4 ڄڻا فوت ٿي ويا.
قاضي احمد ويجهو روڊ حادثي جي نتيجي ۾ هڪ ڄڻو فوت ۽ هڪ زخمي ٿي پيو.
روشن آباد اسٽاپ ڀرسان ٻن ٽرالرن ۾ ٽڪر سبب خرم علي مغل ٿڏي تي ئي فوت ٿي ويو جڏهن ته رياض علي زخمي ٿي پيو.
اطلاع ملڻ بعد پوليس حادثي واري هنڌ پهچي فوتي جو لاش ۽ زخمي کي کڻائي اسپتال پهچايو.
ڳڙهي ياسين ويجهو روڊ حادثي جي نتيجي ۾ هڪ ڄڻو فوت ٿي ويو آهي.
کيرٿر ڪئنال پل وٽ انڊس هاءِ وي تي ڪار ۽ موٽرسائيڪل ۾ ٽڪر ٿي پيو.
حادثي جي نتيجي ۾ 26ورهين جو مير حسن مارفاڻي ٿڏي تي ئي فوت ٿي ويو.
موري ۾ رڪشا جو ٽائر برسٽ ٿيڻ سبب هڪ نوجوان فوت ٿي ويو ۽ 3 زخمي ٿي پيا.
موري کان رند موري ويندڙ رڪشا جو ٽائر برسٽ ٿيڻ جي نتيجي ۾ هڪ رڪشا ڊرائيور امتياز علي چانڊيو فوت ٿي ويو، جڏهن ته خيهو لغاري، الاهي بخش لغاري ۽ غلام علي لغاري زخمي ٿي پيا.
نوري آباد صنعتي زون ۾ ٽينڪر جي ٽڪر سبب پورهيت فوت ٿي ويو.
نوري آباد صنعتي زون 8 نمبر واٽر ٽينڪ ڀرسان ٽينڪر پورهيت کي ٽڪر هنيو جنهن جي نتيجي ۾ عبدالرزاق نالي شخص فوت ٿي ويو…………- Advertisement -
