سنڌ جي مختلف علائقن ۾ روڊ حادثن ۾ ٻه ڄڻا فوت ۽ هڪ زخمي ٿي پيو.
ملير جي علائقي چوڪنڊي وٽ تيز رفتار ٽرالر ٻن نوجوانن مٿان چڙهي ويو، نتيجي ۾ هڪ ڄڻو فوت ۽ ٻيو زخمي ٿي پيو.
حادثي ۾ ايس ايس يو پوليس اهلڪار سائين بخش فوت ٿي ويو ۽ جواد زخمي ٿي پيو.
اطلاع تي پوليس حادثي واري هنڌ پهچي لاش ۽ زخمي کي کڻائي جناح اسپتال منتقل ڪيو، جتان ضروري ڪارروائي بعد مڙهه وارثن حوالي ڪيو ويو.
پوليس ڊرائيور کي گرفتار ڪري ٽرالر کي تحويل ۾ وٺي شاهه لطيف ٿاڻي تي منتقل ڪري ڇڏيو.
چڪ ويجهو سومر ڳوٺ وٺ ڪار جي ٽڪر ۾ نوجوان فوت ٿي ويو.
حادثي ۾ 8 ڪلاس جو شاگرد محمد يوسف مهر فوت ٿي ويو.
اطلاع تي پوليس حادثي واري هنڌ پهچي نوجوان جو لاش کڻائي اسپتال منتقل ڪيو، جتان ضروري ڪارروائي بعد مرهه وارثن حوالي ڪيوويو
