سنڌ سميت سڄي ملڪ ۾ حضرت علي عليه السلام جي شهادت جو ڏهاڙو ملهايو پيو وڃي

سنڌ سميت سڄي ملڪ ۾ حضرت علي عليه السلام جي شهادت جو ڏهاڙو ملهايو پيو وڃي، سنڌ حڪومت پاران صوبي ۾ عام موڪل جو اعلان ۽ موٽر سائيڪل جي ٻيلهه سواري تي پابندي لڳائي وئي آهي. سڄي ملڪ ۾ ماتمي جلوس ڪڍي مجلسون برپا ڪيون وينديون، ڪراچيءَ ۾ مرڪزي جلوس نشتر پارڪ کان برآمد ٿيندو جيڪو مقرر رستن کان ٿيندي حسينه ايرانيه تي نهر ٿيندو. ان کان علاوه حيدرآباد، سکر، شهيد بينظير آباد، لاڙڪاڻو ۽ ميرپور خاص سميت سنڌ جي ٻين شهرن ۾ به ماتمي جلوس برآمد ڪيا ويا. ماتمي جلوسن جي روٽ تي سڪيورٽي  جا انتظام انتهائي سخت ڪيا ويا آهن. ڪمشنر ڪراچي طرفان شهر ۾ ٻن ڏينهن لاءِ موٽر سائيڪل جي ٻيلهه سواري تي پابندي لڳائي وئي آهي جنهن جو نوٽيفڪيشن پڻ جاري ڪيو ويو. ٻئي پاسي مختلف شهرن ۾ رات کان ئي روايتي ماتمي جلوس ڪڍيا ويا.