سنڌ هاءِ ڪورٽ دائود انجنيئرنگ جي معطل ڪيل شاگردن کي ٻيهر داخل ڪرڻ جي عدالتي حڪمن تي عمل نه ڪرڻ خلاف توهين عدالت جي درخواست تي ڌرين کي نوٽيس جاري ڪري ڇڏيا آهن.

سنڌ هاءِ ڪورٽ دائود انجنيئرنگ جي معطل ڪيل شاگردن کي ٻيهر داخل ڪرڻ جي عدالتي حڪمن تي عمل نه ڪرڻ خلاف توهين عدالت جي درخواست تي ڌرين کي نوٽيس جاري ڪري ڇڏيا آهن. سنڌ هاءِ ڪورٽ ۾دائود  انجنيئرنگ يونيورسٽي جي معطل شاگردن جي ٻيهر داخلا لاءِ عدالتي حڪمن تي عمل نه ٿيڻ خلاف درخواست تي ٻڌڻي ٿي. درخواستگذار جي وڪيل عثمان فاروق ايڊووڪيٽ موقف اختيار ڪيو ته وائيس چانسلر ثمرين حسين عدالتي حڪمن جي ڀڃڪڙي ڪئي آهي. وڪيل چيو ته عدالت دائود انجنيئرنگ يونيورسٽي جي وائيس چانسلر ثمرين حسين ۽ ٻين ڌرين کي پابند ڪيو ته هو شاگردن کي ٻيهر داخل ڪن. هن چيو ته يونيورسٽي انتظاميا عدالتي حڪمن باوجود محمد حسيب کي ٻيهر داخل نه ڪيو، جنهن ڪري شاگرد جو مستقبل تباهه ٿي رهيو آهي. سنڌ هاءِ ڪورٽ يونيورسٽي جي وي سي، رجسٽرار ۽ ٻين ڌرين کان 31 جنوري تائين جواب طلب ڪندي ٻڌڻي ملتوي ڪري ڇڏي.