- Advertisement -
سنڌ هائيڪورٽ جي آئيني بينچ چيني شهرين کي پوليس طرفان هيسائڻ خلاف درخواست واپس وٺڻ جي اپيل تي خارج ڪري ڇڏي.
سنڌ هائيڪورٽ جي آئيني بينچ ۾ چيني شهرين کي پوليس طرفان هيسائڻ خلاف درخواست جي ٻڌڻي ٿي.
عدالت وڪيل کان پڇاڻو ڪندي چيو ته الزامن جي جاچ لاءِ پهريان لاڳاپيل اٿارٽي وٽ وڃڻ بدران عدالت ڇو آيا؟.
عدالت چيو ته قومي مفاد جو مسئلو هو، اوهان کي پهريان لاڳاپيل اٿارٽي وٽ وڃڻ گهرجي ها، درخواست ڏيندڙ کي پهريان آءِ جي سنڌ سان رابطو ڪرڻ گهرجي ها.
درخواست ڏيندڙ جي وڪيل چيو ته حڪومت درخواست ڏيندڙن جي الزامن جي جاچ لاءِ ڪميٽي جوڙي ڇڏي آهي.
وڪيل چيو ته درخواست ڏيندڙ سنڌ سرڪار جي قدمن کان مطمئن آهن ۽ سنڌ هائيڪورٽ ۾ ٻڌڻي هيٺ درخواست واپس وٺڻ ٿا چاهن.
عدالت چيني شهرين جي درخواست واپس وٺڻ جي اپيل تي خارج ڪري ڇڏي.- Advertisement -
