سنڌ هائيڪورٽ پاران ٽريفڪ سگنل تي پنڻ وارن خلاف گرينڊ آپريشن جو حڪم

سنڌ هاءِ ڪورٽ طرفان ٽريفڪ سگنلز تي پينو فقيرن خلاف ڪارروائي جو حڪم ڏنو ويو آهي. شهري جي درخواست تي عدالت ڊي آءِ جي ٽريفڪ کي سگنلن تي پينو فقيرن خلاف آپريشن جو حڪم ڏئي ڇڏيو. شهري پاران داخل ڪرايل درخواست ۾ موقف اختيار ڪيو ويو ته عادتي فقيرن ۽ خواجه سرا خلاف ڪارروائي ڪئي وڃي، جيڪي شهرين کي تنگ ڪن ٿا. عدالت شهري جي درخواست تي حڪم ڏنو ته شهر ۾ ڪنهن به ٽريفڪ سگنل تي کدڙو فقير، عورت، ٻار يا مرد پينو نظر نه اچي، شهرين کي تنگ ڪندڙ ۽ هيسائيندڙن خلاف ڪارروائي ڪئي وڃي.