سنڌ پبلڪ سروس ڪميشن تعليم کاتي ۾ ليڪچررز لاءِ ورتل لکت واري امتحان جا نتيجا پڌرا ڪري ڇڏيا

سنڌ پبلڪ سروس ڪميشن تعليم کاتي ۾ ليڪچررز لاءِ ورتل لکت واري امتحان جا نتيجا پڌرا ڪري ڇڏيا جنهن ۾ مجموعي طور تي 758 اميدوارن کي ڪامياب قرار ڏنو ويو آهي. تعليم کاتي ۾ ليڪچرر بي پي ايس 17، ايجوڪيشن سبجيڪٽ، پاڪستان اسٽڊي ۽ سوشالاجي سبجيڪٽ لاءِ ورتل لکت امتحان جا نتيجا جاري ڪيا ويا آھن. پڌرائي موجب، ايجوڪيشن لاءِ 303 جڏھن ته پاڪستان اسٽڊي لاءِ 313 ۽ سوشالاجي سبجيڪٽ لاءِ 142 اميدوارن ڪاميابي ماڻي آھي. ترجمان موجب، ڄاڻايل سجيڪٽس جا نتيجا جاري ڪري ڪامياب اميدوارن کي گھربل ڪاغذات جمع ڪرڻ جي صلاح ڏني وئي آهي، ڪاغذن جي ڇنڊڇاڻ مڪمل ٿيڻ کان پوءِ زباني امتحان جو شيڊيول جاري ڪيو ويندو. ھوڏانھن صحت کاتي جي ماتحت خيرپور ميڊيڪل ڪاليج لاءِ مختلف عهدن سينئر رجسٽرار بي پي ايس 18، رجسٽرار بي پي ايس 18 پروفيسر بي پي ايس 20، اسسٽنٽ پروفيسر بي پي ايس 18 جي مختلف سبجيڪٽس لا۽ ورتل لکت امتحان جا نتيجا پڻ جاري ڪيا ويا آھن…………