سورهن  سال گذري ويا پر هو اڃا تائين انصاف جا منتظر آهن: آصفه ڀٽو زرداري

شهيد راڻي بينظير ڀٽو  ۽ اڳوڻي صدر آصف علي زرداريءَ جي نياڻي آصفه ڀٽو زرداري چيو آهي ته سورهن  سال گذري ويا پر هو اڃا تائين انصاف جا منتظر آهن. سماجي رابطن واري ويب سائٽ ايڪس تي ٽوئٽ ڪندي آصفه ڀٽو زرداري چيوته هو اڄ 2007ع جي ان ڪاري ترين ڏينهن کي ياد ڪن ٿا، جڏهن سندن امڙ بينظير ڀٽو کي شهيد ڪيو ويو. هن چيو ته سورهن ورهيا گذرڻ باوجود هو انصاف لاءِ واجهائي رهيا آهن. آصفه ڀٽو زرداري چيو ته امڙ جي جدائي ۽ ڏک جو احساس ائين ٿي رهيو آهي جيئن وقت رڪجي ويو هجي. شهيد راڻيءَ جي نياڻي چيو ته امڙ جي وڃڻ سان خال پيدا ٿي ويو آهي، جيڪو ڀرجي نه سگهندو، عوام به پنهنجو ليڊر وڃايو آهي، هڪ اهڙي آواز کي خاموش ڪرايوويو جيڪو مظلومن ۽ ڏاڍ جي شڪار عوام لاءِ اٿندو هو……..