سيالڪوٽ ۾ سول اسپتال جي ايمرجنسي وارڊ ٻاهران جوابدار جي فائرنگ ۾ سڪيورٽي گارڊ ۽ عورت زخمي ٿي پيا.
مريض سان ملڻ آيل شخص کي ايمرجنسي وارڊ مان ٻاهر ڪڍڻ تي جوابدار ڪاوڙ ۾ اچي فائرنگ ڪري ڏني، نتيجي ۾ گارڊ دانش مسيح ۽ عورت طاهره زخمي ٿي پيا.
اطلاع تي پوليس واقعي واري هنڌ پهچي جوابدارن کي گرفتار ڪري ورتو.
زخمين کي طبي امداد لاءِ ايمرجنسي وارڊ ۾ منتقل ڪيو ويو.
پوليس گرفتار جوابدارن خلاف ڪيس داخل ڪري جاچ شروع ڪري ڇڏي.
