سينيٽ چيئرمين يوسف رضا گيلانيءَ، پي ٽي آءِ سينيٽر سيف الله ابڙيَ خلاف ريفرنس اليڪشن ڪميشن ڏانهن موڪلي ڇڏيو

سينيٽ چيئرمين يوسف رضا گيلانيءَ، پي ٽي آءِ سينيٽر سيف الله ابڙيَ خلاف ريفرنس اليڪشن ڪميشن ڏانهن موڪلي ڇڏيو آهي. سينيٽ چيئرمين اليڪشن ڪميشن کي موڪليل ريفرنس ۾ چيو ته نيب ريفرنس ٻڌڻي هيٺ هوندي سيف الله ابڙو ٽيڪنوڪريٽ سيٽ لاءِ گهربل قانوني گهرجن تي پورو نه ٿو لهي. ريفرنس ۾ سينيٽ چيئرمين چيو ته ڪفالت هيٺ ماڻهن، زرعي آمدني ۽ اثاثن بابت قسم نامي ۾ فراهم ڪيل ڄاڻ گمراهه ڪندڙ  آهي، نامزدگي ڪاغذن سان جمع ڪرايل  ويلٿ اسٽيٽمينٽ ۾ سيف الله ابڙيَ پنهنجن ٻارن جي ملڪيت واري زرعي ايراضي لڪائي. ريفرنس ۾ چيو ويو ته سيف الله ابڙي پنهنجي ٽيڪس تفصيلن ۾ اصل زرعي زمين کي لڪايو ۽ نامزدگي ڪاغذ جمع ڪرائڻ کان اڳ غير واضح رسيدون جمع ڪرايون. سينيٽ چيئرمين چيو ته اهڙن الزامن جو ثابت ٿيڻ اسلامي جمهوريه پاڪستان جي آئين جي آرٽيڪل 63 ۽ اليڪشن ايڪٽ 2017ع تحت نااهليءَ برابر ٿي سگهن ٿا. ريفرنس ۾ سينيٽ چيئرمين چيو ته سيف الله ابڙيَ جي سينيٽ ميمبرشپ نااهليءَ لاءِ هڪ سوال پيدا ٿي ويو آهي.