سپريم ڪورٽ جي چيف جسٽس قاضي فائز عيسيٰ چيو آهي ته سپريم ڪورٽ ۽ هائيڪورٽن ۾ ججن جي خالي سيٽن تي ڀرتيون ڪرڻ ترجيح آهي.
سپريم ڪورٽ لاهور رجسٽري ۾ سپريم ڪورٽ بار کي خطاب ڪندي چيف جسٽس قاضي فائز عيسيٰ چيو ته خواهش آهي ته سپريم ڪورٽ مڪمل ٿي وڃي.
سندس چوڻ هو ته سپريم ڪورٽ ۽ هائيڪورٽن ۾ ججن جي خالي سيٽن تي ڀرتيون ڪرڻ ترجيح آهي.
چيف جسٽس قاضي فائز عيسيٰ چيو ته ججن جي مقررين کان پهريان هائيڪورٽس رولز ۾ ترميم ضروري آهي، ترميم لاءِ جسٽس منصور علي شاهه جي سربراهيءَ ۾ ڪميٽي قائم ڪري ڇڏي آهي.
هن چيو ته هائيڪورٽس جي چيف جسٽس کي اپيل آهي ته آهستي آهستي هائيڪورٽس ۾ ججن جا انگ مڪمل ڪن.
چيف جسٽس قاضي فائر عيسيٰ چيو ته ججن جون مقرريون موجوده طريقيڪار سان ڪن يا نئين رولز موجب ان بابت ڌرين سان ڳالهيون ڪندا، ٽيڪنالاجي سپريم ڪورٽ جي رجسٽرين جو معاملو محدود ڪري ڇڏيو آهي.
سندس چوڻ هو ته گهٽ ۾ گهٽ ڪابه بينچ هڪ هفتي کان گهٽ جي نه هئڻ گهرجي، ڏسڻو اهو آهي ته وڊيو لنڪ يا رجسٽري رکن يا ٻنهي کي گڏ کڻي هلن.
سپريم ڪورٽ جي چيف جسٽس قاضي فائز عيسيٰ چيو ته بار ۽ بينچ مختلف نه پر هڪ آهن، هميشه بار جي چونڊيل نمائندن ئي ترجيح ڏني، رجسٽري تي بينچ جوڙڻ واري عمل جي لاهور کان شروعات ڪري ڇڏي آهي، ايندڙ مرحلي ۾ ٻين رجسٽرين ۾ ويندا.