سڄي ملڪ ۾ سياسي سرگرمين ۾ تيزي، سياسي پارٽي طرفان جلسا، جلوس ۽ در در ڪيمپين جو سلسلو جاري

سڄي ملڪ ۾ سياسي سرگرمين ۾ تيزي، سياسي پارٽي طرفان جلسا، جلوس ۽ در در ڪيمپين جو سلسلو جاري آهي. پاڪستان پيپلزپارٽي اڄ گجرات ۾ سياسي پاور شو جو مظاهرو ڪندي جنهن جون تياريون مڪمل ڪيون ويون آهن. پ پ چيئرمين بلاول ڀٽو زرداري اڄ منجهند ٻي وڳي جلسي کي خطاب ڪندو، جلسي گاهه ۾ ڪارڪنن جي لاءِ ڪرسيون لڳايون ويون آهن، جلسي جي ميزباني قومي اسيمبلي جو اميدوار قمر زمان ڪائره ۽ آصف بشير باگٽ ڪندو. پيپلزپارٽي طرفان عام چونڊن لاءِ اليڪشن مهم زور شور سان جاري آهي، اڳوڻو پرڏيهي وزير بلاول ڀٽو زرداري پنجاب ۾ روزاني جي بنياد تي جلسن کي خطاب ڪري رهيو آهي، جڏهن ته سندس ڀيڻ آصفه ڀٽو زرداري به چونڊ مهم لاءِ سرگرم آهي. مسلم ليگ نون عام چونڊن جي سلسلي ۾ منڊي بهاءُ الدين ۾ سياسي طاقت جو مظاهرو ڪري رهي آهي. اڳوڻو وزيراعظم ۽ ن ليگ جو صدر شهباز شريف سميت ٻيا اڳواڻ منڊي بهاءُ الدين جي قائد اعظم گرائونڊ ۾ ٿيندڙ جلسي کي خطاب ڪندا. جلسي گاهه جي ڀرپاسي وارن عمارتن کي بينرن سان سجايو ويو جڏهن ته ڪارڪنن جو جوش وڌائڻ لاءِ مقامي قيادت آتشبازي جو مظاهرو ڪيو……….