شاگردياڻي پروين رند ڪيس ٻيهر ملتوي

سنڌ هائيڪورٽ سرڪٽ بينچ حيدرآباد پي ايم يو نوابشاهه جي شاگردياڻي پروين رند ڪيس ۾ ڌرين کي نوٽيس جاري ڪندي ‎ ٻڌڻي 11 سيپٽمبر تائين ملتوي ڪري ڇڏي.

سنڌ هائيڪورٽ سرڪٽ بينچ حيدرآباد ۾ پي ايم يو نوابشاهه جي شاگردياڻي پروين رند کي هيسائڻ بابت ڪيس جي ٻڌڻي ٿي.

 ٻڌڻي دوران پروين رند ۽ ڪيس جو مک جوابدار غلام مصطفيٰ راجپوت عدالت ۾ پيش ٿيا.

عدالت ڌرين کي نوٽيس جاري ڪندي ‎ ٻڌڻي 11 سيپٽمبر تائين ملتوي ڪري ڇڏي.

پروين رند ڪيس ۾ سيڪشن 24 ٻيهر هڻڻ لاءِ درخواست ڪئي هئي.

ميڊيا سان ڳالهائيندي پروين رند جو چوڻ آهي ته هوءَ  ڏيڍ سال کان انصاف لاءِ دربدر آهي، انصاف نه ملڻ تي کيس مايوسي آهي، فاطمه ڦرڙو واقعي تي ڏک ٿيو آهي.