پيپلز پارٽي جي سينيٽر شيري رحمان چيو آهي ته شنگهائي سهڪار تنظيم جي اجلاس واري ڏينهن ڊي چوڪ تي احتجاج سان تحريڪ انصاف ڇا حاصل ڪرڻ چاهي ٿي؟ پرڏيهي اعليٰ سطحي وفد ۽ عالمي ميڊيا ي موجودگي ۾ اسلام آباد ۾ تماشو لڳائڻ مذمت جوڳو عمل آهي.
پ پ سينيٽر شيري رحمان تحريڪ انصاف جي 15 آڪٽوبر واري ڏينهن احتجاج جي سڏ تي رد عمل ڏيندي چيو آهي ته پي ٽي آءِ طرفان 15 آڪٽوبر تي ڊي چوڪ تي احتجاج جي سڏ مان ڪيترائي سوال اٿن ٿا.
شيري رحمان چيو ته پي ٽي آءِ جٿن ۽ ڏڦيڙ جي سياست سان ملڪي مفادن تي حملو ڪري رهي آهي.
شيري رحمان جو چوڻ هو ته ملڪ جي ڪا به ذميوار سياسي پارٽي عالمي ڪانفرنس واري ڏينهن احتجاج جو سڏ ناهي ڏيندي.
هن چيو ته تحريڪ انصاف دنيا کي انتهائي ناڪاري پيغام ڏئي رهي آهي.
شيري رحمان چيو ته تحريڪ انصاف چاهي ٿي ته ڪو پرڏيهي وفد ملڪ نه اچي؟
هن چيو ته ريڊ لائن ڪو شخص ۽ سندس ذاتي سياست نه بلڪ ملڪ ۽ ملڪي مفاد هئڻ گهرجن.
شيري رحمان چيو ته تحريڪ انصاف پنهنجي فيصلي ٽي نظرثاني ڪندي 15 آڪٽوبر جي احتجاج جي ڪال واپس وٺي.
