شهيد ذوالفقار علي ڀٽو کي هڪ غير شفاف عدالتي ڪارروائي ذريعي ڦاهي جي سزا ڏني وئي : وزيراعظم شهباز شريف

وزيراعظم شهباز شريف شهيد ذوالفقار علي ڀٽو کي ڀيٽا پيش ڪندي چيو آهي ته شهيد ذوالفقار علي ڀٽو کي هڪ غير شفاف  عدالتي ڪارروائي ذريعي ڦاهي جي سزا ڏني وئي هئي، 44 ورهين کانپوءِ سپريم ڪورٽ ان تاريخي غلطي جو ازالو ڪيو آهي. سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ شهباز شريف چيو ته هو ذوالفقار علي ڀٽو کي ملڪ ۽ قوم لاءِ خدمتن تي ڀيٽا پيش ڪندي سندس مغفرت ۽ سمورن لاڳاپيل لاءِ صبر جي دعا ڪن ٿا. سندس چوڻ هو ته 4 اپريل 1979ع تي وزيراعظم ذوالفقار علي کي هڪ غير شفاف عدالتي ڪارروائي ذريعي ڦاهي جي سزا ٻڌائي وئي هئي. وزيراعظم شهباز شريف چيو ته 44 ورهين بعد سپريم ڪورٽ ان تاريخي غلطي جو ازالو ڪيو، ذوالفقار علي ڀٽو جي گهرڀاتين ۽ ڪارڪنن لاءِ هن ازالي نه ٿيڻ جوڳي نقصان تي رڳو ڳوڙها ۽ نه ختم ٿيڻ وارو افسوس آهي.