شڪارپور پوليس ڳوٺ ڊرٻ ٽانوري واسي ٻن مغوي ھارين کي بازياب ڪرائڻ جي دعويٰ

شڪارپور پوليس ڳوٺ ڊرٻ ٽانوري واسي ٻن مغوي ھارين کي بازياب ڪرائڻ جي دعويٰ ڪئي آهي .

پوليس موجب، ٻنھي مغوين غلام عباس ٽانوري ۽ غلام سرور ٽانوري کي ڪوٽ شاھو جي ڪچي واري علائقي مان مبينا مقابلي بعد بازياب ڪرايو .

ٻئي ڄڻا ٻه ڏينھن اڳ رستم ويجھو دائم ملڪ ٿاڻي جي حد ۾ زمين کي پاڻي ڏيڻ ويا ھئا ته ڌاڙيلن کين اغوا ڪري ورتو هو. گذريل ڏينھن پوليس مغوين جي بازيابي لاءِ ڳوٺ مؤمن ڪرسي تي چڙھائي ڪري عورتن سميت ڪجھه شڪي ماڻھن کي گرفتار ڪيو ھو.