صحافين کي تحفظ حاصل هجڻ گهرجي، انهن کي پنهنجو ڪم ڪرڻ جي اجازت آهي : ويدانت پٽيل

آمريڪي پرڏيهي کاتي جي نائب ترجمان ويدانت پٽيل آهي ته صحافين کي تحفظ حاصل هجڻ گهرجي، انهن کي پنهنجو ڪم ڪرڻ جي اجازت آهي. پريس بريفنگ دوران پاڪستان ۾ صحافين جي قتل تي ردعمل ڏيندي ويدانت پٽيل چيو ته آمريڪا هجي، پاڪستان هجي يا غزا جي پٽي، صحافين کي تحفظ ملڻ گهرجي. هن وڌيڪ چيو ته صحافين کي تحفظ فراهم ڪرڻ جي ضرورت  آهي ته جيئن اهي پنهنجو ڪم ڪري سگهن. آمريڪي پرڏيهي نائب ترجمان جو چوڻ هو ته صحافت اهڙو مسئلو آهي جنهن کي هو شدت سان محسوس ڪن ٿا، انٽوني بلنڪن پاڻ صحافين جي معاملي کي ڏسندو آهي.