صدر آصف زرداري پگهار نه وٺڻ جو فيصلو ڪري ڇڏيو

ملڪ کي آڏو معاشي چئلينجن سبب صدر آصف علي زرداريءَ پگهار نه وٺڻ جو فيصلو ڪيو آهي. ايوان صدر طرفان جاري ڪيل بيان ۾ چيو ويو ته صدر آصف علي زرداريءَ پنهنجي پگهار نه وٺڻ جو فيصلو ڪيو آهي. بيان ۾ چيو ويو ته اِهو  فيصلو صدر معاشي چئلينجن کي نظر ۾ رکندي ڪيو، آصف علي زرداريءَ جي ان فيصلي جو مقصد ملڪ ۾ مالياتي انتظام جو حوصلو وڌائڻ آهي. ايوان صدر طرفان جاري ڪيل بيان ۾ چيو ويو ته صدر قومي خزاني تي بار نه وجهڻ جو فيصلو ڪندي پگهار نه وٺڻ کي ترجيح ڏني.