صدر زرداري جو چيني صدر شي جن پنگ کي خط، بهار موسم جي ڏڻ تي مبارڪ

صدر آصف علي زرداري چيني صدر شي جن پنگ کي خط لکي بهار موسم جي ڏڻ تي مبارڪ ڏني آهي. صدر طرفان خط ۾ پاڪستان ۽ چين وچ ۾ دوستي وڌيڪ مضبوط بڻائڻ جو عزم پڻ ڪيو ويو آهي. صدر آصف علي زرداري جو چوڻ هو ته پاڪستان ون چائنا پاليسي جي حمايت جاري رکندو، ون چائنا پاليسي پاڪستان جي پرڏيهي پاليسي جو اهم حصو آهي. صدر آصف علي زرداري خط ۾ پاڪستان ۽ چين وچ ۾ پائيدار ۽ وڌندڙ دوستي کي پڻ ساراهيو. صدر خط ۾ پاڪستان-چين لاڳاپن ۽ چين-پاڪستان اقتصادي راهداري کي اڳتي وڌائڻ ۾ چيني صدر جي بصيرت واري قيادت جو شڪريو ادا ڪيو. صدر آصف علي زرداري صدر شي جن پنگ جي صحت ۽ چيني عوام جي مسلسل ترقي ۽ خوشحالي لاءِ نيڪ خواهشن جو اظهار ڪيو.