صدر عارف علوي جو عمل ملڪ جي ساک خراب ڪرڻ جي هڪ ٻي واردات آهي: شازيا مري

پ پ جي سيڪريٽري اطلاعات شازيا مري چيو آهي ته صدر عارف علوي جو عمل ملڪ جي ساک خراب ڪرڻ جي هڪ ٻي واردات آهي، ڪنهن به وڏي بحران کان بچڻ لاءِ 90 ڏينهن اندر چونڊون ڪرايون وڃن.

جاري ڪيل بيان ۾ شازيا مري چيو ته ان کان اڳ صدر عارف علوي غير آئيني طريقي سان قومي اسيمبلي به ٽوڙي چوڪ آهي، دنيا ۾ ڪو به صدر سوشل ميڊيا ذريعي آئيني معاملا ناهي اڪلائيندو.

هن چيو ته سوشل ميڊيا يا ٽوئٽ ذريعي آئيني ذميواري کان بري ٿيڻ مناسب ناهي، لڳايل الزام سنگين آهن، انهن جي جاچ ضروري آهي.

شازيا مري چيو ته  پ پ چيئرمين ڏينهن رات محنت ڪري ملڪ جي ساک بحال ڪئي،  ڪنهن به وڏي بحران کان بچڻ لاءِ 90 ڏينهن اندر چونڊون ڪرايون وڃن.

پ پ اڳواڻ چيو ته کين آئين موجب هلڻو پوندو، ان سان ئي ملڪ سياسي استحڪام ايندو