عدالتي فيصلي سان آئين ۽ قانون جي بالادستي ثابت ٿي آهي:طلال چوڌري

مسلم ليگ ن اڳواڻ طلال چوڌري چيو آهي ته عدالتي فيصلي سان آئين ۽ قانون جي بالادستي ثابت ٿي آهي، مرضي سان فيصلن سان ملڪ ۽ معيشيت کي نقصان پهتو آهي. خانگي ٽي وي سان ڳالهائيندي طلال چوڌري چيو ته اڄ آئين ۽ قانون جي بالادستي ثابت ٿي آهي. سندس چوڻ هو ته هي نظام عدل تي داغ هو، هي آمريت کي فائدو ڏيڻ واري ججمينٽ هئي. ن ليگ اڳواڻ طلال چوڌري چيو ته مرضي جي فيصلن سان ملڪ ۽ معيشيت کي نقصان پهتو آهي، آئين کي ري رائٽ ڪيو ويو پر ان کان به اڳتي گذري ويو. هن چيو ته هي ڪيس اڍائي سالن کان رولڙي جو شڪار هو، فيصلو پهريان ٿيڻ گهرجي ها. ن ليگ اڳواڻ طلال چوڌري چيو ته هي انهن فيصلن جو تسلسل هو جيڪي ثاقب نثار کان شروع ٿيا.