عمران خان ڳالھيون نه پر ڏڦيڙ چاهي ٿو: راڻا ثناءُ الله

وزيراعظم جي صلاحڪار راڻا ثناءُ الله چيو آهي ته سياست ۽ جمهوريت ڊيڊلاڪ نه ڳالهين سان اڳتي وڌندي آهي، سياسي پارٽين کي گڏجي ويهي مسئلن بابت ڳالهيون ڪرڻ گهرجي. خانگي ٽي وي سان ڳالهائيندي راڻا ثناءُ الله چيو ته وزيراعظم پهريان به چار ڀيرا پي ٽي آءِ کي ڳالهين جي دعوت ڏئي چڪو آهي. سندس چوڻ هو ته ڳالهين جي دعوت تي جواب ۾ تحريڪ انصاف هاڪاري جواب نه ڏنو، پي ٽي آءِ باني سياست نه پيو ڪري ڳالهيون سندس پاليسي ۾ ناهن. وزيراعظم جي صلاحڪار چيو ته تحريڪ انصاف باني کانسواءِ پارٽي ۾ ڪنهن ٻي وٽ اختيار ناهن، تحريڪ انصاف ڳالهيون نه پر ڏڦيڙ چاهي ٿي. راڻا ثناءُ الله چيو ته سياست ۽ جمهوريت ڊيڊلاڪ نه ڳالهين سان اڳتي وڌندي آهي، سياسي پارٽين کي گڏجي ويهي مسئلن بابت ڳالهيون ڪرڻ گهرجي.