عوام چوٿون ڀيرو موقعو ڏنو ته ڏينهن رات هڪ ڪري عوام جي خدمت ڪئي ويندي: شهبازشريف

مسلم ليگ ن جي صدر شهبازشريف چيو آهي ته عوام چوٿون ڀيرو موقعو ڏنو ته ڏينهن رات هڪ ڪري عوام جي خدمت ڪئي ويندي. شيخوپوره ۾ جلسي کي خطاب ڪندي شهبازشريف چيو ته 8 فيبروري تي رٿيل اليڪشن ڪا عام اليڪشن ناهي،  عوام جذبي سان ووٽ ڏيڻ اچي، ووٽ ڏيڻ وقت اهو ضرور سوچو وڃي ته ليڊر جو ماضي ڇا آهي؟ هن چيو ته نوازشريف ملڪ مان لوڊشيڊنگ، دهشتگردي ۽ بيروزگاري جو خاتمو ڪيو، 2013ع  ۾20-20 ڪلاڪ لوڊشيڊنگ ٿيندي هئي. شهبازشريف چيو ته سندس وزيراعظم بڻجڻ بعد مهانگائي ٿي پر ان جو ذميوار پي ٽي آءِ باني ۽ سندس غلط پاليسيون هيون. اڳوڻي وزيراعظم چيو ته هنن پاڪستان کي ڊفالٽ ٿيڻ کان بچايو، سياست جي پرواهه نه ڪندي رياست جي پرواهه ڪئي. شهبازشريف چيو ته نوازشريف نوجوانن جي هٿن ۾ ليپ ٽاپ ڏنا، غريب جو مفت علاج ڪرايو ۽ اسپتالن کي جديد بڻايو