غزه جي هٿين خالي فلسطينين مٿان اسرائيل جا ظلم جاري،وڌيڪ 77 فلسطيني شهيد ۽ 177 زخمي

غزه جي هٿين خالي فلسطينين مٿان اسرائيل جا ظلم جاري آهي، گذريل 24 ڪلاڪن دوران يهودي فورسز جي دهشتگرد ڪاررواين ۾ وڌيڪ 77 فلسطيني شهيد ۽ 177 زخمي ٿيا آهن. عرب ميڊيا جو چوڻ آهي ته پناهگير ڪيمپن تي اسرائيلي بمباري ۾ وڌيڪ 25 فلسطيني شهيد ٿي ويا جڏهن ته ٻن اسڪولن تي اسرائيلي بمباري سبب 15 ڄڻن شهادت ماڻي. عرب ميڊيا موجب، 7 آڪٽوبر 2023 کان هن وقت تائين اسرائيلي حملن ۾ 45 هزار 206 فلسطيني شهيد ٿي چڪا آهن جڏهن ته زخمين جو تعداد هڪ لک 7 هزار 512 تائين پهچي ويو آهي. ٻئي پاسي حماس ڏکڻ غزه ۾ 5 اسرائيلي فوجين کي مارڻ جي دعوى ڪئي آهي. القسام بريگيڊ جو چوڻ آهي ته اسرائيلي اسنائپر ۽ هڪ فوجي جباليه ڪيمپ ۾ ماريو ويو، جڏهن ته اسرائيلي فوجين کي نشانو بڻائڻ جي ويڊيو به جاري ڪئي وئي آهي