فلسطين ۾ خاص طور تي ٻارن کي نشانو بڻايو پيو وڃي : گڏيل قومن جي خاص نمائندي

گڏيل قومن جي خاص ايلچي فرانسسڪا البانيز چيو آهي ته فلسطين ۾ خاص طور تي ٻارن کي نشانو بڻايو پيو وڃي. فرانسسڪا البانيز موجب، فلسطيني ٻارن کي ظالماڻي طريقي سان بک، تشدد ۽ دهشتگردي ذريعي نشانو بڻايو پيو وڃي، کين قتل يا معذور ڪيو پيو وڃي، ٻارن کي اسڪولن، خوابن ۽ بهتر مستقبل اميد کان محروم رکيو ويو آهي. گڏيل قومن جي خاص نمائندي چيو ته اسرائيل جي رويي کي مجموعي طور تي ڏسي رهيا آهن، هن سموري زمين تي غيرقانوني قبضو ڪيو آهي. البانيز جو اشارو ان طرف هو جنهن ۾ اسرائيلي فوج والاريل اولهه ڪناري جي ڏکڻ ۾ الخليل جي علائقي ۾ اسڪول ويندڙ ٻارن کي ڪنڊيدار تار لڳائي روڪيو ويو.