2020ع جي صدارتي چونڊن ۾ شڪست کانپوءِ وائيٽ هائوس نه ڇڏڻ گهرجي ها : ڊونلڊ ٽرمپ

آمريڪا جي اڳوڻي صدر ۽ ريپبلڪن صدارتي اميدوار ڊونلڊ ٽرمپ چيو آهي ته کيس 2020ع جي صدارتي چونڊن ۾ شڪست کانپوءِ وائيٽ هائوس نه ڇڏڻ گهرجي ها. پينسلوانيا جي شهر لٽز ۾ ريلي کي خطاب ڪندي ڊونلڊ ٽرمپ چيو ته کيس شڪست ۽ 2020ع جي صدارتي چونڊن جا نتيجا قبول نه آهن، هو واقعي محسوس ڪري ٿو ته هن کي هن وقت وائيٽ هائوس نه ڇڏڻ گهرجي ها. هن وڌيڪ چيو ته 5 نومبر جي چونڊن جا نتيجا ساڳئي ئي ڏينهن اچڻ گھرجي، مشينن تي وڏو خرچ ٿيو آهي، کيس خدشو آهي ته اليڪشن جا نتيجا 10 دير سان آندا ويندا.