قاضي احمد: زيادتي جي ڪوشش جو شڪار نينگري جا وارثن مظاهرو

قاضي احمد ۾ نينگريءَ سان زيادتي جي ڪوشش جي جرڳي کي سندس وارثن رد ڪري ڇڏيو ۽ جوابدارن جي گرفتاري لاءِ احتجاجي مظاهرو ڪيو.

قاضي احمد ۾ زيادتي جي ڪوشش جو جو شڪار نينگري جي وارثن رستم جوڻيجي، ياسين جوڻيجي، اميران ۽ ٻين احتجاجي مظاهرو ڪندي جرڳي کان لاتعلقي ظاهر ڪئي.

ڳوٺاڻن ميڊيا اڳيان دانهيندي چيو ته بااثر زميندار زبردستي قاضي احمد جوڻيجا هائوس تي کڻي پني تي صحيح ورتي ته هو ٺهي ويا آهن.

هنن چيو ته جرڳي واريون خبرون ڪوڙيون آهن، هو انتهائي غريب آهن، بااثر زميندار مان جان کي خطرو آهي .

متاثر نينگري جي وارثن مطالبو ڪيو ته بااثر صالح شاهه خلاف ڪارروائي ڪري کين تحفظ ۽ انصاف فراهم ڪيو وڃي