- Advertisement -
قبو سعيد خان ۾ پ پ شهيد ڀٽو طرفان فلسطين تي اسرائيلي بمباري خلاف احتجاجي مظاهرو ڪيو ويو.
ڪامريڊ عيسيٰ مگسي، عبدالوحيد کوسو، محمد يعقوب بروهي ۽ ٻين جي اڳواڻيءَ ۾ مک بس اسٽينڊ وٽ احتجاجي مظاهرو ڪري نعريبازي ڪئي وئي.
احتجاج ڪندڙن ميڊيا سان ڳالهائيندي چيو ته فلسطينن مٿان اسرائيلي بمباري شرمناڪ، انسان ۽ امن دشمن عمل آهي.
هنن چيو ته فلسطين مٿان بمباري سبب معصوم ٻارڙن ۽ عورتن سميت بيگناهه فلسطيني شهيد ٿي رهيا آهن.
سندن چوڻ هو ته فلسطين معاملي تي عالمي برادري ۽ گڏيل قومن جي خاموشي حيران ڪندڙ آهي.
احتجاج ڪندڙن عالمي برادري ۽ گڏيل قومن کان مطالبو ڪيو ته فلسطين ۾ جاري انساني حقن جي سنگين لتاڙ جو نوٽيس وٺي اسرائيلي بمباري بند ڪرائي فلسطينين کي امداد فراهم ڪئي وڃي.- Advertisement -
