لاڙڪاڻو: پوليس جو مبينا مقابلو، هڪ ڏوهاري زخمي حالت ۾ گرفتار

لاڙڪاڻي ۾  پوليس مبينا مقابلي دوران  هڪ ڏوهاري کي زخمي حالت ۾ گرفتار  ڪرڻ جي دعويٰ ڪئي. پوليس جو چوڻ آهي ته لاشاري ٿاڻي جي حد ڪيٽي انڙ ڀرسان گشت دوران ڏوهارين سان مقابلو ٿي پيو. پوليس موجب فائرنگ جي ڏي وٺ ۾ هڪ ڏوهاري کي زخمي حالت ۾ گرفتار ڪيو ويو. پوليس جو چوڻ آهي ته زخمي حالت ۾ گرفتار ڏوهاريءَ جي سڃاڻپ سڌير ڀٽو طور ٿي آهي. پوليس جو چوڻ آهي ته زخمي کي اسپتال منتقل ڪيو ويو آهي. پوليس موجب گرفتار ڏوهاري ڪيترن ئي ڪيسن ۾ گھربل آهي، وڌيڪ جاچ ڪئي پئي وڃي.