لاڙڪاڻي ۾ عباسي خاندان رنجشون ختم ڪري سيال خاندان سان ٺاهه تي راضي

لاڙڪاڻي ۾ عباسي خاندان رنجشون ختم ڪري سيال خاندان سان ٺاهه تي راضي ٿي ويو. سيال ۽ عباسي ڇڪتاڻ کانپوءِ ناليواري شاعر سرڪش سنڌي جي نياڻي ناياب سرڪش قرآن پاڪ کڻي اڳوڻي ايم پي اي معظم عباسي وٽ پهتي. معظم عباسي ناياب سرڪش کي هاڪاري موٽ ڏيندي چيو ته هو معاملو حل ڪرڻ چاهن ٿا، پهرين ڏينهن کان هر واٽ ڏني آهي، هاڻي به مسئلو حل ڪرڻ چاهن ٿا. ناياب سرڪش زور ڀريندي چيو ته طارق انور سيال سڀ ڪجهه ختم ڪيو آهي، اوهان به ختم ڪيو. اڳوڻي ايم پي اي معظم عباسي، ناياب سرڪش کي چيو ته طارق انور سيال، سردار خان چانڊيو وٽ فيصلي لاءِ چيو، هو به چاهن ٿا ته فيصلو ٿيو ۽ ڳالهين ذريعي معاملي جو نبيرو ٿي وڃي جيئن حقيقتون سامهون اچن، باقي هو به سڀ ڪجهه ختم ڪرڻ لاءِ تيار آهن