مديجي: ڳوٺ قلندر بخش بروهي ۾ نينگر سان مبينا طور اجتماعي بدفعلي

مديجي ويجهو ٽن جوابدارن پاران نينگر کي مبينا طور اجتمائي بدفعلي جو نشانو بڻايو ويو، جوابدارن جي گرفتاري لاءِ وارثن پاران احتجاجي مظاهرو ڪيو ويو. ڳوٺ قلندر بخش بروهي ۾  جوابدارن نينگر کي مبينا اجتماعي بدفعلي جو نشانو بڻائي فرار ٿي ويا. متاثر نينگر جي وارثن پاران مک جوابدار جي گرفتاري لاءِ احتجاجي مظاهرو ڪيو. متاثر نينگر جي  والد جو چوڻ هو ته جوابدار شان بروهي، ٻن ساٿين سان گڏجي سندس نينگر کي بدفعلي جو نشانو بڻايو آهي. هن اعليٰ اختيارين کان مطالبو ڪيو ته نينگر کي بدفعلي جو نشانو بڻائيندڙ جوابدارن کي گرفتار ڪيو وڃي. هوڏانهن پوليس جو چوڻ آهي ته واقعي جي اين سي داخل ڪري جوابدار شان جي والد کي گرفتار ڪيو آهي، مک جوابدار جي گرفتاري لاءِ ڇاپا هنيا پيا وڃن.