مرزا پور ويجهو ٻن ڌرين ۾ جهيڙو ، هڪ ڄڻو قتل ۽ 4 زخمي

مرزا پور ويجهو ٻن ڌرين ۾ جهيڙي جي نتيجي ۾ هڪ ڄڻو قتل ۽ 4 زخمي ٿي پيا آهن. ڳوٺ ماڻڪ جي وانڍ ۾ جتوئي برادري جي ٻن ڌرين ۾ جهيڙو ٿي پيو. جهيڙي ۾ فائرنگ جي نتيجي ۾ نواب جتوئي قتل ٿي ويو، جڏهن ته 4 ڄڻا زخمي ٿي پيا. واقعي بعد مقتول جو لاش ۽ زخمين کي اسپتال منتقل ڪيو ويو. هڪ ڄڻي جي مارجڻ بعد ڌرين ۾ ڇڪتاڻ واري صورتحال آهي، جڏهن ته علائقي واسي گهرن تائين محدود ٿي ويا. ٻڌايو پيو وڃي ته جتوئي برادري جي ٻن ڌرين ۾ جهيڙي جي نتيجي ۾ هڪ ڄڻو قتل ٿي ويو ۽ 4 زخمي ٿي پيا آهن، جڏهن ته ڌرين ۾ وقفي وقفي سان فائرنگ جو سلسلو هلندڙ آهي.