معاشي بهتري جو فائدو عام ماڻهوءَ تائين پهچائڻ لاءِ قدم کڻي رهيا آهن: محمد اورنگزيب

ناڻي واري وفاقي وزير محمد اورنگزيب چيو آهي ته معاشي بهتري جو فائدو عام ماڻهوءَ تائين پهچائڻ لاءِ قدم کڻي رهيا آهن. ڪراچي ۾ تقريب کي خطاب ڪندي محمد اورنگزيب چيو ته پاليسي ريٽ ۾ وڌيڪ گهٽتائي ڪئي وئي آهي، ناڻي واري وفاقي وزير محمد اورنگزيب چيو آهي ته سڌارن جي ايجنڊا تي عمل ڪري رهيا آهن. هن چيو ته ملڪي معيشيت بهتري طرف وڌي رهي آهي، جٽادار معاشي استحڪام طرف بهتر انداز ۾ وڌي رهيا آهن. محمد اورنگزيب چيو ته ڪرنٽ اڪائونٽ خساري ۾ گهٽتائي ۽ مٽاسٽا جي ذخيرن ۾ واڌ ٿي رهي آهي. سندس چوڻ هو ته مٽاسٽا جي ذخيرن ۾ واڌ ۽ رپيو مستحڪم ٿيو آهي، مهانگائي ۾ نمايان گهٽتائي ٿي آهي. ناڻي واري وفاقي وزير جو چوڻ هو ته معاشي بهتري جي ثمر جي عام ماڻهو تائين منتقلي يقيني بڻائي پئي وڃي.