معيشيت بهتر ٿي رهي آهي، مهانگائي ۾ گهٽتائي اچڻ گهرجي :محمد اورنگزيب

ناڻي واري وفاقي وزير محمد اورنگزيب چيو آهي ته معيشيت بهتر ٿي رهي آهي، مهانگائي ۾ گهٽتائي اچڻ گهرجي، ٽيڪس ٽو جي ڊي پي کي 13 سيڪڙو تي آڻڻو پوندو،  ايف بي آر ۾ ڊجيٽل سڌارا، ٽيڪس چوري ۽ ڪرپشن جو خاتمو ڪيو ويندو، خانگائڻ وارو منصوبو ٻن کان ٽن سالن جو آهي جيڪو مرحليوار مڪمل  ٿيندو. قومي اسيمبليءَ ۾ بجيٽ ترميمن بابت پڄاڻي واري تقرير ۾ محمد اورنگزيب چيو ته پيٽرول ۽ ڊيزل تي ليوي 70 رپيا ڪرڻ جو فيصلو ڪيو آهي. سندس چوڻ هو ته پيٽرول ۽ ڊيزل تي ليوي 80 رپيا ڪرڻ جو بجيٽ وارو فيصلو واپس ورتو ويو آهي، سولر پينل تي ڪابه ڊيوٽي ناهي. ناڻي واري وفاقي وزير محمد اورنگزيب چيو ته حڪومت گرين انرجي کي هٿي وٺرائڻ چاهي ٿي، مهانگائي جي شرح 38 سيڪڙو مان گهٽ ٿي 18 سيڪڙو ٿي وئي آهي، ڪرنٽ اڪائوٽ به هيٺ اچڻ گهرجي. هن چيو ته ملڪ جي معيشيت بهتري طرف وڌي رهي آهي، ناڻي جا ذخيرا 9 ارب ڊالر تائين پهچي ويا آهن، ٽيڪس ٽو ساڍا 9 سيڪڙو تي نٿي رهي سگهي، جي ڊي پي کي 13 سيڪڙو تي آڻڻو پوندو. ناڻي واري وفاقي وزير محمد اورنگزيب چيو ته ايف بي آر ۾ ڊجيٽل سڌارا، ٽيڪس چوري ۽ ڪرپشن جو خاتمو ڪيو ويندو، خانگائڻ وارو منصوبو ٻن کان ٽن سالن جو آهي جيڪو مرحليوار مڪمل  ٿيندو.