ملير: اي وي سي ايل پوليس پاران مبينا مقابلي دوران هڪ ڏوهاري کي مارڻ جي دعويٰ

ملير ۾ اي وي سي ايل پوليس مبينا مقابلي دوران هڪ ڏوهاري کي ماري سندس قبضي مان هٿيار ۽ ڪار هٿ ڪرڻ جي دعويٰ ڪئي آهي. اي وي سي ايل، سي آءِ اي ڪراچي ترجمان جو چوڻ آهي ته گڏاپ واري علائقي ۾ اي وي سي ايل پوليس سپر هاءِ وي ويجهو شڪي ڪار کي روڪڻ جي ڪوشش ڪئي ته ڦورن فائرنگ ڪري ڏني. ايس ايس پي عرفان سمون جو چوڻ آهي ته  پوليس جي جوابي فائرنگ ۾ هڪ ڦورو مارجي ويو. ايس ايس پي عرفان سمون چيو ته مارجي ويل ڦورو جي قبضي مان پسٽل، ميگزين، گوليون ۽ هڪ ڪار هٿ ڪئي وئي آهي. ايس ايس پي عرفان سمون جو چوڻ آهي ته مارجي ويل ڦورو جي سڃاڻپ لاءِ رڪارڊ چيڪ ڪري رهيا آهن…………