- Advertisement -
گڏيل عرب امارتن جي سفير بٿيق عتيق الرمانتي چيو آهي ته يو اي اي پاڪستان جي هر حڪومت سان گڏجي ڪم ڪندي آهي، پاڪستان جي ترقي ۾ گڏيل عرب امارتن جو سهڪار جاري رهندو، رمضان شريف کان اڳ سنڌ ۽ بلوچستان جي ضرورتمند خاندانن ۾ راشن ورهايو ويندو.
ملير جي علائقي ڪاٺوڙ ۾ گڏيل عرب امارتن طرفان ضرورتمند خاندانن ۾ راشن ورهائڻ واري تقريب ٿي.
تقريب دوران گڏيل عرب امارتن جي سفير 3 هزار خاندانن ۾ راشن ورهايو.
تقريب کي خطاب ڪندي گڏيل عرب امارتن جي سفير بٿيق عتيق الرمانتي چيو ته رمضان شريف کان ملير، لاڙڪاڻي، قمبر شهدادڪوٽ، خيرپور، غيبي ديري ۽ ساڪري سميت بلوچستان جي مختلف علائقن ۾ ضرورتمند خاندانن ۾ راشن ورهايو ويندو.
سندس چوڻ هو ته يو اي اي پاڪستان جي هر حڪومت سان گڏجي ڪم ڪندي آهي، پاڪستان جي ترقي ۾ گڏيل عرب امارتن جو سهڪار جاري رهندو.
گڏيل عرب امارتن جي سفير بٿيق عتيق الرمانتي چيو ته پاڪستان جي حڪومت سان گڏجي انفرا اسٽرڪچر کي بهتر ڪرڻ تعليم ۽ صحت سميت مختلف شعبن ۾ سهڪار ڪيو ويندو، اڄ سڄي دنيا ۾ عورتن جو عالمي ڏينهن آهي، عورتن کي زندگي جي هر شعبي ۾ اڳتي اچڻ گهرجي.
گڏيل عرب امارتن جي سفير چيو ته ترقي يافته ملڪن جي ترقي جو راز اهو آهي ته عورتن کي برابري جا حق ڏنا ويندا آهن.- Advertisement -
