ملڪاڻي شريف : ڳوٺ ٻٻر ڪلوئي واسي نوجوان ڪراچي ۾ 10 ماڙ تان ڪرڻ سبب فوت

ملڪاڻي شريف واسي نوجوان ڪراچيءَ ۾ گهڻ ماڙ تان ڪرڻ سبب فوت ٿي ويو آهي.

ملڪاڻي شريف جي ڳوٺ ٻٻر ڪلوئي جو رهواسي 18 ورهين جو عابد علي ولد عبدالله ڪلوئي ڪراچي ۾ ڏهه ماڙ عمارت تان ڪري پيو.

 نوجوان کي ڳڻتي جوڳي حالت ۾ جناح اسپتال منتقل ڪيو ويو جتي هن دم ڌڻي حوالي ڪيو.

اسپتال مان ضروري ڪارروائي بعد مڙهه وارثن حوالي ڪيو ويو.

نوجوان عابد علي جو مڙهه ڳوٺ پهچڻ تي ڪهرام مچي ويو.

وارثن جو چوڻ آهي ته نوجوان مزدوري سانگي ڪراچي ويل  جتي هو 10 ماڙ عمارت تان ڪرڻ سبب فوت ٿي ويو آهي.