ملڪ جي اڪثر علائقن ۾ موسم ٿڌي رهڻ جو امڪان آهي جڏهن ته جابلوعلائقن ۾ ٿڌ جي شدت برقرار رهندي

ملڪ جي اڪثر علائقن ۾ موسم ٿڌي رهڻ جو امڪان آهي جڏهن ته جابلوعلائقن ۾ ٿڌ جي شدت برقرار رهندي. موسميات کاتي جو چوڻ آهي ته پنجاب جي اڪثر ضلعن، سنڌ ۽ ڪي پي جي ميداني علائقن ۾ ڪوهيڙي جو امڪان آهي. موسميات کاتي موجب، ڪشمير ۽ ان جي جابلو علائقن ۾ ڪجهه هنڌن تي هلڪي برسات ۽ برفباري به ٿي سگھي ٿي. ٻئي پاسي پنجاب جي مختلف علائقن ۾ ڪوهيڙي سبب موٽر ويز کي ٽريفڪ لاءِ بند ڪيو ويو آهي.