ملڪ ۾ مَنڪي پاڪس جو ٻيو ڪيس پشاور ايئرپورٽ تي رپورٽ

ملڪ ۾ مَنڪي پاڪس جو ٻيو ڪيس پشاور ايئرپورٽ تي رپورٽ ٿيو آهي. صحت کاتي جي ترجمان موجب منڪي پاڪس جو ٻيو ڪيس پاڪستان ۾ رپورٽ ٿيو آهي، اهو ڪيس نار ملڪن مان علامتن سان آيو هو. ترجمان موجب پشاور ايئرپورٽ تي جنهن جي ٽيسٽ هاڪاري آئي ته هيلٿ ڊيسڪ مريض کي وقت سر اسپتال منتقل ڪيو. صحت بابت وزيراعظم جي ڪوآرڊينيٽر ڊاڪٽر مختار احمد موجب صحت صورتحال جي مسلسل مانيٽرنگ يقيني بڻائي پئي وڃي، سمورن هوائي اڏن تي اسڪريننگ ۽ سرويلنس جو اثرائتو نظام موجود آهي. هن چيو ته عوام کي وبائن کان محفوظ رکڻ لاءِ سنجيده قدم يقيني بڻايا پيا وڃن.