منظور قادر ڪاڪا ۽ مختيارڪار گرفتاريءَ کانپوءِ ضمانت واري درخواست داخل ڪرائي ڇڏي

اڳوڻي ڊائريڪٽر منظور قادر ڪاڪا ۽ مختيارڪار گرفتاريءَ کانپوءِ ضمانت واري درخواست داخل ڪرائي ڇڏي آهي. صوبائي اينٽي ڪرپشن جي اسپيشل جج جي عدالت اڳوڻي ڊائريڪٽر منظور قادر ڪاڪا ۽ مختيارڪار جي ضمانت جي درخواست ٻڌڻ جوڳي قرار ڏئي ڇڏي. عدالت پاران اينٽي ڪرپشن جي پراسيڪيوٽر ۽ جاچ آفيسر کي نوٽيس جاري ڪندي 4 آگسٽ تي جواب طلب ڪيو ويو آهي. 31 جولاءِ سومر ڏينهن ضمانت رد ٿيڻ تي اينٽي ڪرپشن جي جاچ آفيسر اڳوڻي ڊائريڪٽر منظور قادر ڪاڪا ۽ مختيارڪار خير محمد ڏاهري کي گرفتار ڪيو هو. اڳوڻي ڊائريڪٽر منظور قادر ڪاڪا ۽ ٻين جوابدارن تي نسلا ٽاور جي زمين 7سئو گز مان وڌائڻ ۽ سرڪاري زمين جو غيرقانون نقشو پاس ڪرڻ جو الزام آهي. سپريم ڪورٽ نسلا ٽائور جي غير قانوني اڏاوت خلاف ڪيس داخل ڪرڻ جو حڪم ڏنو هو.