ميان صاحب ۾ زال مڙس سميت چئن ڄڻن جي قتل جا 2 ڌار ڌار ڪيس داخل

ميان صاحب ۾ ڀيا، معرفاڻي برادري جي ٻن ڌرين ۾ هلندڙ پراڻي تڪرار تان هٿياربندن جي فائرنگ ۾ مارجي ويل زال مڙس سميت چئن ڄڻن جي قتل جا 2 ڌار ڌار ڪيس داخل ڪيا ويا آهن. هٿياربندن جي فائرنگ ۾ مارجي ويل غلام فاطمه، سندس مڙس نويد ڀيو، نانا خاتون ۽ نصير ڀيو جا 2 ڌار ڌار قتل ڪيس معرفاڻي برادري جي 50 جوابدارن خلاف داخل ڪيا ويا. ڪيسن ۾ عبدالرحمان، ظريف، سونو ۽ ٻين جا نالا شامل ڪيا ويا آهن. چار ڏينهن اڳ هٿياربندن جي فائرنگ ۾ غلام فاطمه، سندس مڙس نويد ڀيو، نانا خاتون ۽ نصير ڀيو مارجي ويا هئا.