ميرپورخاص: ريلوي ڪالوني ۾ پراسرار نموني ناري جو لاش ملڻ واقعي ۾ اهم انڪشاف

ميرپورخاص جي ريلوي ڪالوني ۾ 3 ڏينهن اڳ پراسرار نموني ناري جو لاش ملڻ واقعي ۾ اهم انڪشاف ٿيا آهن. ناري نيها جون سهيلي کي ڪيل آڊيو ميسيج ظاهر ٿي ويا آهن. آڊيو ميسيج ۾ نيها پنهنجي ڀاءُ ۽ پيءُ پاران کيس قتل ڪرڻ بابت خدشا ظاهر ڪيا آهن ۽ هوءَ سخت خوف ۾ ورتل آشهي. آڊيو ميسيج ۾ ناري پنهنجي سهيليءَ کي نوڪري جي بهاني سان ڪراچي وٺي هلڻ لاءِ منٿون به ڪري ٿي ته جيئن سندس جان بچي وڃي. آڊيو ميسيج ۾ ناري هڪ نوجوان جو به ذڪر ڪري ٿي، واضح رهي ته 3 ڏينهن اڳ گهر مان ناري نيها جو لاش مليو هو، پر وارث واقعي کي آپگهات ڄاڻائي پوسٽ مارٽم ڪرائڻ بنا لاش گهر کڻائي ويا هئا. 3 ڏينهن اڳ پيش آيل واقعو پراسرار هئڻ باوجود پوليس ناري جي وارثن کان بيان وٺي وڌيڪ ڪا ڪارروائي نه ڪئي هئي.