- Advertisement -
ناڻي واري وزير محمد اورنگزيب ايشيائي ترقياتي بئنڪ جي صدر سان ملاقات ڪئي، جنهن ۾ هن پاڪستان جي ترقياتي ايجنڊا جي حمايت تي اي ڊي بي جي شراڪتداري جي واکاڻ ڪئي.
ناڻي واري وزير اسلام آباد ۾ ايشيائي ترقياتي بئنڪ پاران نئين آفيس جي شروعات تي ڀليڪار ڪيو ۽ اميد ظاهر ڪئي ته اي ڊي بي جي ڪنٽري پارٽنرشپ فريم ورڪ کي جلد پڄاڻي تي پهچائيندي.
ناڻي واري وزير محمد اورنگزيب ڪيپيٽل ايڊووڪيسي فريم ورڪ جي مڪمل ٿيڻ کي ساراهيو ۽ قدرتي آفتن جي تحفظ واري پروگرام لاءِ 500 ملين ڊالر جي پاليسي بيسڊ لون جي منظوري تي به اي ڊي بي جي حمايت تي شڪريو ادا ڪيو.
ناڻي واري وزير چيو ته ايشيائي ترقياتي بئنڪ جو بورڊ 29 آڪٽوبر تي پاليسي بنيادن تي قرض جي منظوري تي غور ڪندو.
ورلڊ بينڪ ۽ آءِ ايم ايف جي سالياني اجلاسن جي سائيڊ لائين تي ناڻي واري وزير محمد اورنگزيب آمريڪا جي توانائي بابت اسسٽنٽ سيڪريٽري سان پڻ ملاقات ڪئي.
ملاقات ۾ ناڻي واري وزير محمد اورنگزيب آمريڪي حڪومت جو توانائي جي شعبي ۾ تعاون جي آڇ تي امريڪي حڪومت جا ٿورا مڃيا.
محمد اورنگزيب ايس اينڊ پي گلوبل جي نمائندن سان پڻ ملاقات ڪئي ۽ چيو ته ريٽنگ ايجنسي جلد پاڪستان جي ريٽنگ اپ گريڊ ڪندي.
ناڻي واري وزير محمد اورنگزيب ڊجيٽل ڪوآپريشن آرگنائيزيشن جي سيڪريٽري ديمه اليحيٰ سان به ملاقات ڪئي.
ملاقات ۾ ناڻي واري وزير پاڪستان جي آئي ٽي شعبي ۾ ترقي جي امڪانن جي اهميت کي اجاگر ڪيو.
محمد اورنگزيب ڊجيٽل انفراسٽرڪچر، ڊجيٽل معيشت جي اهميت تي زور ڏيندي چيو ته ڊجيٽل پرڏيهي سيڙپڪاري ۽ ڊجيٽل گورننس ۾ تعاون جي ضرورت آهي.- Advertisement -
